FATUBERLIU : Diáriu JKM (Roman Ba Sosiedade) kuarta-feira 07/08/2019
” XEFE SUKU FATUKAHI LAMENTA GRUPU DESKUÑESIDU TIRU KUMUNIDADE NIA ANIMAL HAKIAK”
Lider Komunitária suku Fatukahi Postu Administrativu Fatuberlihu Lamenta Ema Deskueńesidu uza kilat kasa populasaun nia animal hakiak Karau no Kuda iha postu Fatuberliu.
liu husi Via telefónika tersa-feira loron 06/08/2019 xefe suku Fatukahi Moizes Acasio Pinto lamentadu ho grupu deskuñesidu ne’ebé lori kilat tiru kumunidade nia animal hakaik iha tempu kalan iha loron 25 fulan Jullu no loron 03 fulan Agustus tinan ida ne’e iha área Mota Klere no área Kledik antigu postu administrativu Fatuberliu, ho situasaun refere lider kumunitária ne’e husu urgentimente ba governu atu foti medida forte ba aktus ne’e.
Reponde ba lamentasaun ne’e administradór munisípiu Manufahi Arantes Izac Sarmento informa katak nudar servidór povu iha Manufahi la tolera aktus kasa komunidade nia animal hakiak iha postu Fatuberliu, no parte administrasaun orenta ona administrdór postu Fatuberliu inklui xefe suku Fatukahi atu hato’o relatóriu eskrita hodi justifika aktus kasa populasaun nia animal hakiak iha postu Fatuberliu.
Administradór Manufahi mós kanaliza ona informasaun ne’e ba komandante komandu distritu polisia Manufahi atu kopera ho lideransa kumunitária,konsellu polisiamentu kumunitária KPK sira hodi investiga grupu deskuñesidu ne’ebé kasa populasaun nia animal hakiak iha postu Fatuberliu no postu administrativu Alas.
Comments
Post a Comment