LIQUICA, Tibar , 9 Agostu 2019
Espoza Prezidente Repúblika Timor-Leste, Cidália Nobre Guterres, entrega uma no Kioske ba faluk Rogaia Babo da Silva, iha Suku Tibar.
Uma ho medida 6x8 ne’ebé kompleta ho mobiliariu uma-laran harii hosi servisu hamutuk GAAC – PR no Heineken. Enkuantu Kioske hamutuk ho sasan nesesidade bázika sira ne’ebé fa’an iha kioske ne’e, oferese hosi Associacão Empresarial das Mulheres Timor-Leste (AEMTL). Konstrusaun ba uma no kioske, realiza hosi servisu hamutuk Grupu Karidade ho Forum Komunikasaun Dom Bosco Balide, Díli.
Cidália Nobre Guterres haktuir, nia hasoru malu ho faluk Rogaia Babo da Silva, iha tinan kotuk, wainhira halo vizita ida ba iha fatin lixeiru Tibar, hodi haree besik kondisaun labarik sira ne’ebé maioria husik sira-nia eskola hodi buka sasan sira iha lixu-fatin, ne’ebé bele fa’an fali hodi sustente família-nia moris.
“Señora ha’u la husu buat barak maibé ha’u husu de’it ita-boot bele ajuda halo netik uma simples ida ba ha’u ho ha’u-nia oan ki’ik sira, tanba ami toba de’it iha udan-laran. Ha’u-nia kaben mós mate tanba lafaek mak tata. Ha’u sente katak kuandu uma ladun di’ak ba ha’u, ha’u hanesan feto mesak, ha’u la sente seguru”, husu Rogaia Babo da Silva iha altura hasoru malu ho Espoza Xefe Estadu iha fatin soe lixu, Tibar.
“Ita hotu hanesan ema, wainhira ita rona ita-nia inan-feto ida kuandu ko’alia hanesan ne’e, ita-nia sentimentu ne’e oinsá”, hatete Cidália Nobre Guterres, ne’ebé hafoin ne’e halo verifikasaun liu hosi GAAC – PR, no tenta atu buka tulun ba faluk ida ne’e.
“Gabinete toma nota ba pedidu ida ne’e, hasoru malu ho Heineken no Telkomcel sira mós hanoin di’ak atu apoiu, tanba sira rasik mós iha programa ida atu hakbiit inan-feton sira hodi hadi’a ekonomia no sustenta sira-nia família, liu hirak ne’ebé faluk. Ha’u hanoin ki’ak sira-nia programa di’ak tebes, bele mós kompleta ho Gabinete nia programa. Entaun ami servisu hamutuk entre Heineken, Telkomcel, AEMTL ho organizasaun asaun umanitária nian ne’ebé mak prontu fó apoiu hodi ohin bele realiza programa ida ne’e”, haktuir Cidália Nobre Guterres hafoin halo inaugurasaun ba uma no kioske ba faluk Rogaya Babo da Silva.
Espoza Xefe Estadu rekoñese durante ne’e GAAC – PR simu pedidu no proposta husu apoiu barak hosi individu no mós grupu, maibé tanba razaun orsamentu GAAC – PR labele atende hotu pedidu husi komunidade nian.
“Ha’u mós sente saida mak sira sente, maibé Gabinete (GAAC – PR) nia kbiit naton de’it. Ami labele atende hotu. Ha’u husu deskulpa”, afirma Cidália Nobre Guterres.
Inan-nasaun husu ba Rogaia atu jere didi’ak kioske hanesan baze ekonomia hodi sustenta nia familia liuliu labarik na’in-lima, atu bele fila ba eskola.
Purtantu faluk Rogaia Babo ne’ebé mak ohin loron sai hanesan inan no aman ba oan na’in lima, sente kontente tebes, tanba nia susar bele atende hosi espoza Prezidente Repúblika.
“Obrigada barak ba Mana Espoza Prezidente. Ha’u sente kontente tebes, obrigada barak”, agradese Rogaya Babo da Silva ba uma no kios ne’ebé simu.
Uma ho kioske ne’e, hetan bensaun hosi Padre Adriano Olan, hetan mos partisipasaun hosi autoridade lokál suku Tibar no seguransa.
antes ne'e, espoza PR entrega uluk uma ba kbiit laek iha Fatu-ahi no Beto-Timur, kapital. alende apoiu uma, iha mos asaun karidade seluk ba entidade oi-oin.
Espoza Prezidente Repúblika Timor-Leste, Cidália Nobre Guterres, entrega uma no Kioske ba faluk Rogaia Babo da Silva, iha Suku Tibar.
Uma ho medida 6x8 ne’ebé kompleta ho mobiliariu uma-laran harii hosi servisu hamutuk GAAC – PR no Heineken. Enkuantu Kioske hamutuk ho sasan nesesidade bázika sira ne’ebé fa’an iha kioske ne’e, oferese hosi Associacão Empresarial das Mulheres Timor-Leste (AEMTL). Konstrusaun ba uma no kioske, realiza hosi servisu hamutuk Grupu Karidade ho Forum Komunikasaun Dom Bosco Balide, Díli.
Cidália Nobre Guterres haktuir, nia hasoru malu ho faluk Rogaia Babo da Silva, iha tinan kotuk, wainhira halo vizita ida ba iha fatin lixeiru Tibar, hodi haree besik kondisaun labarik sira ne’ebé maioria husik sira-nia eskola hodi buka sasan sira iha lixu-fatin, ne’ebé bele fa’an fali hodi sustente família-nia moris.
“Señora ha’u la husu buat barak maibé ha’u husu de’it ita-boot bele ajuda halo netik uma simples ida ba ha’u ho ha’u-nia oan ki’ik sira, tanba ami toba de’it iha udan-laran. Ha’u-nia kaben mós mate tanba lafaek mak tata. Ha’u sente katak kuandu uma ladun di’ak ba ha’u, ha’u hanesan feto mesak, ha’u la sente seguru”, husu Rogaia Babo da Silva iha altura hasoru malu ho Espoza Xefe Estadu iha fatin soe lixu, Tibar.
“Ita hotu hanesan ema, wainhira ita rona ita-nia inan-feto ida kuandu ko’alia hanesan ne’e, ita-nia sentimentu ne’e oinsá”, hatete Cidália Nobre Guterres, ne’ebé hafoin ne’e halo verifikasaun liu hosi GAAC – PR, no tenta atu buka tulun ba faluk ida ne’e.
“Gabinete toma nota ba pedidu ida ne’e, hasoru malu ho Heineken no Telkomcel sira mós hanoin di’ak atu apoiu, tanba sira rasik mós iha programa ida atu hakbiit inan-feton sira hodi hadi’a ekonomia no sustenta sira-nia família, liu hirak ne’ebé faluk. Ha’u hanoin ki’ak sira-nia programa di’ak tebes, bele mós kompleta ho Gabinete nia programa. Entaun ami servisu hamutuk entre Heineken, Telkomcel, AEMTL ho organizasaun asaun umanitária nian ne’ebé mak prontu fó apoiu hodi ohin bele realiza programa ida ne’e”, haktuir Cidália Nobre Guterres hafoin halo inaugurasaun ba uma no kioske ba faluk Rogaya Babo da Silva.
Espoza Xefe Estadu rekoñese durante ne’e GAAC – PR simu pedidu no proposta husu apoiu barak hosi individu no mós grupu, maibé tanba razaun orsamentu GAAC – PR labele atende hotu pedidu husi komunidade nian.
“Ha’u mós sente saida mak sira sente, maibé Gabinete (GAAC – PR) nia kbiit naton de’it. Ami labele atende hotu. Ha’u husu deskulpa”, afirma Cidália Nobre Guterres.
Inan-nasaun husu ba Rogaia atu jere didi’ak kioske hanesan baze ekonomia hodi sustenta nia familia liuliu labarik na’in-lima, atu bele fila ba eskola.
Purtantu faluk Rogaia Babo ne’ebé mak ohin loron sai hanesan inan no aman ba oan na’in lima, sente kontente tebes, tanba nia susar bele atende hosi espoza Prezidente Repúblika.
“Obrigada barak ba Mana Espoza Prezidente. Ha’u sente kontente tebes, obrigada barak”, agradese Rogaya Babo da Silva ba uma no kios ne’ebé simu.
Uma ho kioske ne’e, hetan bensaun hosi Padre Adriano Olan, hetan mos partisipasaun hosi autoridade lokál suku Tibar no seguransa.
antes ne'e, espoza PR entrega uluk uma ba kbiit laek iha Fatu-ahi no Beto-Timur, kapital. alende apoiu uma, iha mos asaun karidade seluk ba entidade oi-oin.
Comments
Post a Comment