OJE 2020 BOOT LIU KAPASIDADE GOVERNU NIAN
PN 6 /8/2019
Deputada Bankada Parlamentar FRETILIN Maria Angélica Rangel da Cruz dos Reis hatete, proposta Orsamentu Jeral Estadu (OJE) tinan 2020 ne’ebé VIII Governu perpara dadauk ne’e bo’ot liu kapasidade ejekusaun Governu nian.
“Tetu orsamentu tinan ida ne’e (2020) boot, maibé Governu la tetu ho sira nia kapasidade ejekusaun, tanba ita hare Orsamentu Jeral Estadu 2019 ho total billoens $1.4 to’o fulan Agostu, nia ejekusaun 46% deit. Signifika katak sira laiha kapasidade atu halo ejekusaun,”
Tetu orsamentu billaun $1.6 ba tinan 2020, siginifika Governu sei foti osan liu rendementu sustentavél estimadu (RSE) ne’ebé sei fó impaktu ba sustentablidade fundu petrolifeira nian.
Tuir estimasaun RSE 3% tinan ida ne’e $694.3 milloens, maibé se kazu Governu atu foti billoens $1.6 aloka ba OJE, signifika sei iha defisit fiskál ho valor $95.7 milloens tanba sei foti liu rendementu sustentavél.
Maske lei fundu petrolifeira mos fó dalan ba Governu foti liu 3% RSE wainhira aprezenta planu investimentu ida ké adekuadu, maibé tuir Deputada Bankada FRETILIN konsidera foti ida ne’e atu selu deit tusan iha tinan anterior nian.
“Ne’e triste boot ba iha nasaun ida ne’e,” relata Deputada Angelica Rangel
Tanba, hare husi sekuensa iha tinan 2018 no 2019, Parlamentu Nasional sempre aprova $400 ital milloens ba iha fundu infrastrutura maibé laiha projetu foun tanba osan sira ne’e aloka atu selu tusan sira ne’ebé halo iha tinan kotuk nian.
Orsamentu bo’ot maibé laiha impaktu ba povu nia moris, liliu la rejolve problema nesesidade bazika povu nian.
“Osan gasta ona $14 billoens liu, maibé povu sei halerik ba bee mos, povu sei halerik ba infrastrutura bazika,povu sei halerik ba eskola ne’ebé mak ita nia oan sira sei tur hela iha rai, povu sei halerik ba sentru saude ne’ebé dook, ita bele dehan katak tau osan bo’ot maibé nia impaktu la direita ba povu ida,”
PN 6 /8/2019
Deputada Bankada Parlamentar FRETILIN Maria Angélica Rangel da Cruz dos Reis hatete, proposta Orsamentu Jeral Estadu (OJE) tinan 2020 ne’ebé VIII Governu perpara dadauk ne’e bo’ot liu kapasidade ejekusaun Governu nian.
“Tetu orsamentu tinan ida ne’e (2020) boot, maibé Governu la tetu ho sira nia kapasidade ejekusaun, tanba ita hare Orsamentu Jeral Estadu 2019 ho total billoens $1.4 to’o fulan Agostu, nia ejekusaun 46% deit. Signifika katak sira laiha kapasidade atu halo ejekusaun,”
Tetu orsamentu billaun $1.6 ba tinan 2020, siginifika Governu sei foti osan liu rendementu sustentavél estimadu (RSE) ne’ebé sei fó impaktu ba sustentablidade fundu petrolifeira nian.
Tuir estimasaun RSE 3% tinan ida ne’e $694.3 milloens, maibé se kazu Governu atu foti billoens $1.6 aloka ba OJE, signifika sei iha defisit fiskál ho valor $95.7 milloens tanba sei foti liu rendementu sustentavél.
Maske lei fundu petrolifeira mos fó dalan ba Governu foti liu 3% RSE wainhira aprezenta planu investimentu ida ké adekuadu, maibé tuir Deputada Bankada FRETILIN konsidera foti ida ne’e atu selu deit tusan iha tinan anterior nian.
“Ne’e triste boot ba iha nasaun ida ne’e,” relata Deputada Angelica Rangel
Tanba, hare husi sekuensa iha tinan 2018 no 2019, Parlamentu Nasional sempre aprova $400 ital milloens ba iha fundu infrastrutura maibé laiha projetu foun tanba osan sira ne’e aloka atu selu tusan sira ne’ebé halo iha tinan kotuk nian.
Orsamentu bo’ot maibé laiha impaktu ba povu nia moris, liliu la rejolve problema nesesidade bazika povu nian.
“Osan gasta ona $14 billoens liu, maibé povu sei halerik ba bee mos, povu sei halerik ba infrastrutura bazika,povu sei halerik ba eskola ne’ebé mak ita nia oan sira sei tur hela iha rai, povu sei halerik ba sentru saude ne’ebé dook, ita bele dehan katak tau osan bo’ot maibé nia impaktu la direita ba povu ida,”
Comments
Post a Comment