lorosaetimor

Posts

Lansamentu Ro Ambulansia Atauro

9 Agostu 2019 Vise Ministra Saúde ba Kuidadu Saúde Primária dr. Élia A.A dos Reis Amaral SH. ho Komandante Komisariu PNTL, Faustino da Costa asina MoU konaba Barku-Ambulânsia Ataúro nune'e bele uza iha kazu emerjénsia hodi transfere pasiente mai Díli. Lansamentu Ró Ambulansia ne'e hala'o dadesan iha Díli no meudia MoU asina iha Ataúro no hafoin ne'e tranfere kedas pasiente gravida ida ka isin rua mai Díli. Akordu ne'e halo entre Ministériu Saúde ho Ministériu Defesa liuhusi Polícia Marítima nian. Iha biban ne'e vise Ministra agradese ba Brigadeiru Filomeno da Paixão de Jesus, Ministru Defesa, tanba ho ninian sentidu responsabilidade no dever hodi serve povu, fo liman hodi halo servisu hamutuk ba saúde nune'e bele presta bem-estar populsaun ne’ebe hela iha Ataúro. "Ema hotu hatene katak wainhira populasaun Ataúro enfrenta emergência médika durante partus, ka acidente ruma nomós moras ne’ebé presiza atensaun urjente husi servisu saúde sekundáriu k

Embaixador Foun Brazil,Estadus Unidus,Nova Zelandia Simu Pose Husi Prezidente Repúblika

Intervensaun badak husi S. E. Prezidente Repúblika iha serimónia tomada-de-pose husi Embaixador foun ba Brasil , Estadus Unidus Amérika no Nova Zelándia Dili, 13 Agostu 2019 Família sira no hotu-hotu ne’ebé marka prezensa iha ne’ e Exelentísimus embaixadores empossadus, Ho haksolok boot mak Prezidente Repúblika prezide serimónia tomada-de-pose husi Exelénsia sira nu’udar Embaixador foun Timor-Leste nian ba Brasil, Estadus Unidus no Nova Zelándia. Prezidente no Governu nomeia Ita-Boot sira tanba fiar katak Ita-Boot sira sei koopera ho governu Brazil, Estadus Unidus no Nova Zelándia, atu haforsa liután relasaun entre ita-nia rain no sira-nian. Prezidente Repúblika fiar katak Embaixador sira ne’ebé foin simu pose iha kapasidade. Nia fiar katak sira bele hasa’e no loke liután nível no ámbitu kooperasaun entre ita-nia Estadus. Kona-ba Brasil, ha’u aproveita oportunidade ida ne’e atu fó-hanoin katak iha simeira CPLP ne’ebé hala’o iha Brasil, mak Timor-Leste tama o

Saudozu Maubrani "Render Não Me Rendo,A última Bala É Para Mim

“RENDER NÃO ME RENDO, A ÚLTIMA BALA É PARA MIM” (HA’U SEI LA RENDE, KILAT MUSAN IKUS LIU HA’U-NIAN). ------------------------- MENSÁJEN PREZIDENTE RDTL FRANCISCO GUTERRES LÚ OLO IHA LORON HAKSOLOK MEMÓRIA SAUDOZU JOSÉ CIRILIO NUNES “MAUBRANI” Forte Maubara, 9 Agostu 2019 Lakon saudozu José Cirilio Nunes “Maubrani” halo família hahú moris ho laran-susar no mata-been. Povu Timor-Leste mós lakon oan murak ida. Ha’u sente triste hanesan mós oan sira no família rasik sente. Maibé sentimentu ida ne’e kahor mós ho orgullu boot tebetebes ida. Ita hotu sente orgullu tanba saudozu Maubrani deside fó-an tomak ho brane ba ita-nia kauza nasionál: UKUN RASIK-AN. Hafoin ita-hetan liberdade expresaun iha tinan 1974, saudozu Maubrani fó-an kedas ba kauza nasional ne’e liuhosi ASDT/ FRETILIN. Saudozu prova ninia dedikasaun ba kauza ne’e ho hahalok barak, liuliu iha komponente armada. Ho ninia kapasidade no matenek rasik, saudozu ne’e partisipa iha ita-nia rezisténsia organizada nu’udar K

Espoza Prezidente Repúblika Inagura Uma No Kios Ba Faluk Rogaia Da Silva

LIQUICA, Tibar , 9 Agostu 2019 Espoza Prezidente Repúblika Timor-Leste, Cidália Nobre Guterres, entrega uma no Kioske ba faluk Rogaia Babo da Silva, iha Suku Tibar. Uma ho medida 6x8 ne’ebé kompleta ho mobiliariu uma-laran harii hosi servisu hamutuk GAAC – PR no Heineken. Enkuantu Kioske hamutuk ho sasan nesesidade bázika sira ne’ebé fa’an iha kioske ne’e, oferese hosi Associacão Empresarial das Mulheres Timor-Leste (AEMTL). Konstrusaun ba uma no kioske, realiza hosi servisu hamutuk Grupu Karidade ho Forum Komunikasaun Dom Bosco Balide, Díli. Cidália Nobre Guterres haktuir, nia hasoru malu ho faluk Rogaia Babo da Silva, iha tinan kotuk, wainhira halo vizita ida ba iha fatin lixeiru Tibar, hodi haree besik kondisaun labarik sira ne’ebé maioria husik sira-nia eskola hodi buka sasan sira iha lixu-fatin, ne’ebé bele fa’an fali hodi sustente família-nia moris. “Señora ha’u la husu buat barak maibé ha’u husu de’it ita-boot bele ajuda halo netik uma simples ida ba ha’u ho ha’u-nia

Massakre Kraras,8 De Agostu 1983

REFLESAUN BA MASAKRE KRARAS 8 DE AGOSTU 1983 Masakre Kraras nebe Akontese iha loron 8 Agustus 1983, ne’e hanesan Asaun Organizadu nebe hanaran levantementu armada, nebe kontinuasaun husi funu segundu etapa gerelia hafoin baze apoiu rahun, tamba kontinuasaun husi funu iha segunda etapa gerilia hafoin baze apoiu rahun, Iha 8 agustu komandu ba luta fo ona orden nebe komandu da luta estuda situasaun Indonesia atu antisipa ona fo orden ba timor oan sira hotu atu halo lavantementu iha 8 agustu tuku lima loraik kraras nee’e tenki tarutu, tuku 7 tarutu iha ossu, tuku 8 tarutu iha nahareka atu nune rona iha fatin-fatin nebe aas atu nune sira nebe mak iha rai tetuk se kilat ba Indonesia hodi halo levantementu atu hasai kilat husi inimigu nia liman hodi lori ba ailaran, katak involvimentu funu kuaze povu nian, tan ne’e Indonesia sira hatene oho populasaun iha Kraras, maibe akontesmentu laos iha Kraras deit ema mate barak liu, Buanurak, Watulari, watucarbau, Ilomar no ba fatin seluk tan. Leva

Anin Ho Velosidade Makas Sei Akontese Iha Teritoriu Timor Leste

Atensaun!!! DNMG – Ministério Transporte e Comunicação (MTC) liu husi Diresaun Nasional Meteorologia e Geofísica (DNMG) hakarak fo hatene ba populasaun iha teritóriu nasional atu toma atensaun ba “rajadas do vento” (anin ho velosidade makas ne´ebé mak akontese derepente) ne´ebé previsto atu akontese entre loron 10 to´o 12 fulan agostu 2019. Tuir mai bele akompaña ho detallu ba kada munisípiu ,velosidade anin nian iha loron hirak tuir mai: Dili- Rajadas husi anin sei varia entre 40-50 km/h. Baucau- Rajadas husi anin sei varia entre 30-40 km/h Lautem- Rajadas husi anin sei varia entre 40-50 km/h. Liquisa- Rajadas husi anin sei varia entre 45-55 km/h. Viqueque - Rajadas husi anin sei varia entre 40-50 km/h. Manatuto- Rajadas husi anin sei varia entre 50-60 km/h. Ainaro - Rajadas husi anin sei varia entre 60-70 km/h. Aileu - Rajadas husi anin sei varia entre 50-60 km/h. Suai - Rajadas husi anin sei varia entre 40-50 km/h. Ermera - Rajadas husi anin sei varia entre 20-30 km/