PREZIDENTE REPÚBLIKA SEI LANSA LIVRU BUIBERE HAMRIIK UKUN RASIK AN
Palásiu Prezidensiál Nicolau Lobato, Dili, 19 jullu 2019
Prezidente Repúblika, Francisco Guterres Lú Olo, sei lansa livru Buibere Hamriik Ukun Rasik An ne’ebé Organisação Popular da Mulher Timor (OPMT) hakerek kona-ba partisipasaun feto iha luta libertasaun nasionál.
Prezidente Repúblika haksolok ho obra OPMT ne’ebé konklui ona hodi hakerek feto timoroan tomak, la’ós de’it OPMT, nia luta ba ukun rasik an no emansipasaun.
Sekretária Jerál OPMT interina, Florentina Smith, husu disponibilidade Prezidente Repúblika atu halo lansamentu ba livru Buibere Hamriik Ukun Rasik An. Planu inisiál ba lansamentu livru ne’e mak iha 28 agustu 2019, nu’udar loron moris OPMT, maibé tanba lider nasionál sira okupadu ho programa estadu ba komemorasaun tinan-20 referendum nian, OPMT sei marka fali loron istóriku sira seluk hafoin husu hanoin husi lideransa nasionál ninian. Molok ne’e, reprezentante OPMT hasoru tiha ona Sekretáriu Jerál Fretilin, Mari Alkatiri, no Prezidente CNRT, Xanana Gusmão.
Projetu ne’e hahú ho apoiu tomak husi lideransa nasionál husi Xanana Gusmão, Ramos Horta, Taur Matan Ruak, Lere Anan Timur, Francisco Guterres Lú Olo no Mari Alkatiri. Tanba ne’e, OPMT sei relata fali obra no husu partisipasaun husi lideransa sira iha serimonia lansamentu livru.
Angariasaun fundus ba projetu hakerek livru ne’e hala’o iha 2010 ho partisipasaun no apoiu husi lideransa nasionál sira. Aleinde hetan apoiu husi lideransa nasionál sira, projetu ne’e mós hetan suporta husi Gabinete Primeiru Ministru liuhusi Diresaun Sosiedade Sivíl.
Iha prosesu hakerek livru ne’e, atu transmite memória luta husi protagonista sira ba jerasaun foun, OPMT ne’ebé harii Comissão de Pesquisa da Elaboração História da Luta Mulher Timor rekruta joven na’in-20 hodi hala’o entrevista no hetan oportunidade atu aprende luta emansipasaun durante okupasaun Indonézia. Komisaun ne’e hala’o entrevista ba ema liu 800 iha Timor laran tomak nu’udar parte husi konservasaun memória luta. Komisaun dokumenta entrevista sira liuhusi transkrisaun, gravasaun audio no foto fontes sira. Dokumentu sira ne’e sei entrega ba entidade relevante atu iha asesu ba públiku.
Sumáriu husi livru Buibere Hamriik Ukun Rasik An bele haree iha espozisaun temporaria ne’ebé tau iha Arquivo e Múseu da Resistência Timorense (AMRT). Maski livru ne’e seidauk lansa, maibé luta feto Timor ninian integra tiha ona iha kuríkulu ensinu báziku ne’ebé Ministériu Edukasaun elabora.
Palásiu Prezidensiál Nicolau Lobato, Dili, 19 jullu 2019
Prezidente Repúblika, Francisco Guterres Lú Olo, sei lansa livru Buibere Hamriik Ukun Rasik An ne’ebé Organisação Popular da Mulher Timor (OPMT) hakerek kona-ba partisipasaun feto iha luta libertasaun nasionál.
Prezidente Repúblika haksolok ho obra OPMT ne’ebé konklui ona hodi hakerek feto timoroan tomak, la’ós de’it OPMT, nia luta ba ukun rasik an no emansipasaun.
Sekretária Jerál OPMT interina, Florentina Smith, husu disponibilidade Prezidente Repúblika atu halo lansamentu ba livru Buibere Hamriik Ukun Rasik An. Planu inisiál ba lansamentu livru ne’e mak iha 28 agustu 2019, nu’udar loron moris OPMT, maibé tanba lider nasionál sira okupadu ho programa estadu ba komemorasaun tinan-20 referendum nian, OPMT sei marka fali loron istóriku sira seluk hafoin husu hanoin husi lideransa nasionál ninian. Molok ne’e, reprezentante OPMT hasoru tiha ona Sekretáriu Jerál Fretilin, Mari Alkatiri, no Prezidente CNRT, Xanana Gusmão.
Projetu ne’e hahú ho apoiu tomak husi lideransa nasionál husi Xanana Gusmão, Ramos Horta, Taur Matan Ruak, Lere Anan Timur, Francisco Guterres Lú Olo no Mari Alkatiri. Tanba ne’e, OPMT sei relata fali obra no husu partisipasaun husi lideransa sira iha serimonia lansamentu livru.
Angariasaun fundus ba projetu hakerek livru ne’e hala’o iha 2010 ho partisipasaun no apoiu husi lideransa nasionál sira. Aleinde hetan apoiu husi lideransa nasionál sira, projetu ne’e mós hetan suporta husi Gabinete Primeiru Ministru liuhusi Diresaun Sosiedade Sivíl.
Iha prosesu hakerek livru ne’e, atu transmite memória luta husi protagonista sira ba jerasaun foun, OPMT ne’ebé harii Comissão de Pesquisa da Elaboração História da Luta Mulher Timor rekruta joven na’in-20 hodi hala’o entrevista no hetan oportunidade atu aprende luta emansipasaun durante okupasaun Indonézia. Komisaun ne’e hala’o entrevista ba ema liu 800 iha Timor laran tomak nu’udar parte husi konservasaun memória luta. Komisaun dokumenta entrevista sira liuhusi transkrisaun, gravasaun audio no foto fontes sira. Dokumentu sira ne’e sei entrega ba entidade relevante atu iha asesu ba públiku.
Sumáriu husi livru Buibere Hamriik Ukun Rasik An bele haree iha espozisaun temporaria ne’ebé tau iha Arquivo e Múseu da Resistência Timorense (AMRT). Maski livru ne’e seidauk lansa, maibé luta feto Timor ninian integra tiha ona iha kuríkulu ensinu báziku ne’ebé Ministériu Edukasaun elabora.
Comments
Post a Comment