PRIMEIRU MINISTRU INFORMA MANDATU PREZIDENTE RAEOA NO TOMADA POSSE BA EMBAIXADÓR FOUN
Palásiu Prezidensiál Nicolau Lobato, Dili, 18 jullu 2019
Primeiru Ministru, Taur Matan Ruak, hasoru malu ho Prezidente Repúblika, Francisco Guterres Lú Olo hodi ko’alia kona-ba mandatu Prezidente RAEOA-ZEESM, tomada de posse ba embaixadór sira no preparativus Orsamentu Jerál Estadu 2020.
Primeiru Ministru hateten governu laiha intensaun atu estende mandatu Mari Alkatiri nu’udar Prezidente Rejiaun Administrativu Espesiál Oe-Cusse Ambeno (RAEOA). Prezidente RAEOA nia mandatu sei remata iha 30 jullu 2019.
Tuir Primeiru Ministru, Prezidente RAEOA hakerek karta ba Xefe Governu hodi informa mandatu ne’ebé sei remata. Primeiru Ministru rasik hakerek tiha ona karta ba Prezidente Repúblika relasiona ho mandatu Prezidente RAEOA-ZEESM.
Molok ne’e, Parlamentu Nasionál halo ona revizaun ba Lei númeru 3/2014 hodi hasai knaar Prezidente Repúblika ninian atu fó tomada de posse ba Prezidente RAEOA-ZEESM ba Primeiru Ministru.
Prezidente Repúblika no Primeiru Ministru ko’alia mós kona-ba tomada de posse ba embaixadór Timoroan sira ne’ebé hetan ona akordu husi nasaun ne’ebé sei hala’o knaar ba.
Governu aprezenta tiha ona lista nomeasaun embaixadór foun ne’ebé aprova iha Konsellu Ministru ba Prezidente Repúblika.
Palásiu Prezidensiál Nicolau Lobato, Dili, 18 jullu 2019
Primeiru Ministru, Taur Matan Ruak, hasoru malu ho Prezidente Repúblika, Francisco Guterres Lú Olo hodi ko’alia kona-ba mandatu Prezidente RAEOA-ZEESM, tomada de posse ba embaixadór sira no preparativus Orsamentu Jerál Estadu 2020.
Primeiru Ministru hateten governu laiha intensaun atu estende mandatu Mari Alkatiri nu’udar Prezidente Rejiaun Administrativu Espesiál Oe-Cusse Ambeno (RAEOA). Prezidente RAEOA nia mandatu sei remata iha 30 jullu 2019.
Tuir Primeiru Ministru, Prezidente RAEOA hakerek karta ba Xefe Governu hodi informa mandatu ne’ebé sei remata. Primeiru Ministru rasik hakerek tiha ona karta ba Prezidente Repúblika relasiona ho mandatu Prezidente RAEOA-ZEESM.
Molok ne’e, Parlamentu Nasionál halo ona revizaun ba Lei númeru 3/2014 hodi hasai knaar Prezidente Repúblika ninian atu fó tomada de posse ba Prezidente RAEOA-ZEESM ba Primeiru Ministru.
Prezidente Repúblika no Primeiru Ministru ko’alia mós kona-ba tomada de posse ba embaixadór Timoroan sira ne’ebé hetan ona akordu husi nasaun ne’ebé sei hala’o knaar ba.
Governu aprezenta tiha ona lista nomeasaun embaixadór foun ne’ebé aprova iha Konsellu Ministru ba Prezidente Repúblika.
Comments
Post a Comment