ESPÍRITU NO DISÍPLINA MAK HALO KOMANDANTE SAMBA SEMBILAN DIFERENTE
Jardim dos Herois da Pátria, Metinaro, 6 jullu 2019
Iha serimónia funebre saudozu Jaime Ribeiro “Samba Sembilan” ohin iha Jardim dos Herois da Pátira, Prezidente Repúblika, Francisco Guterres Lú Olo, iha ninian intervensaun hateten katak espíritu no disíplina mak halo komandante diferente.
Saudozu Jaime Ribeiro “Samba Sembilan” nu’udar guerrilleiru ida ne’ebé dedika nia an tomak durante tinan-24 iha ai-laran hasoru okupasaun Indonézia.
Maski la hetan edukasaun formál ruma durante tempu kolonizasaun, Jaime Ribeiro “Samba Sembilan” hatudu nia kapasidade nu’udar komandante ne’ebé hatene orienta nia soldadu sira tuir disíplina no tátika militár iha luta hasoru forsa okupante. Jaime Ribeiro “Samba Sembilan” nu’udar komandante ida ne’ebé aten brani, ho abnegasaun tomak no sempre prontu atu hasoru saida de’it iha luta libertasaun nasionál.
Jaime Ribeiro “Samba Sembilan” la’ós de’it hatene kona-ba militár maibé mós nu’udar kuadru polítiku ida ne’ebé hatene kauza luta libertasaun nasionál ninian. Jaime Ribeiro “Samba Sembilan” kuida tebes nia lider polítiku sira. Iha situasaun difísil, komandante ne’e prontu atu fó an ba mate hodi defende Xanana Gusmão, Taur Matan Ruak, Francisco Guterres Lú Olo no lider rezisténsia seluk iha luta armada.
Tinan kotuk bainhira Prezidénsia Repúblika halo entrevista ho Jaime Ribeiro “Samba Sembilan” nia hato’o nia lia menon: “Labele ódiu, labele vingansa tanba polítika la ódiku, nein vingansa. Ita-Boot sira ne’ebé kaer ukun tenke hamutuk. Labele dehan ida ne’e terus liu hodi harahun fali ida seluk. Se ita fó kotuk ba malu, se mak rezolve ita-nia problema.”
Bainhira sei moris, Jaime Ribeiro “Samba Sembilan” eduka nia oan sira atu labele ezije estadu atu fó, maibé tenke kontribui ba estadu.
Maski nune’e, Prezidente Repúblika husu atu estadu bele tau matan ba oan sira atu kontinua la’o ba oin nafatin.
Jaime Ribeiro “Samba Sembilan” moris iha Liquiça, 15 abril 1959.Jaime Ribeiro tama forsas libertasaun nasionál desde FALINTIL harii iha 20 agustu 1975. Hafoin Indonézia invade kontinua sai soldadu iha Sektór Fronteira Norte to’o zona libertadas rahun. Hafoin Konferénsia Reorganizasaun Nasionál iha 1981, Jaime Ribeiro asume kargu nu’udar komandante sesaun to’o 1985. Husi 1986-1991 nu’udar komandante peletaun. Husi 1992-1998 asume kargu nu’udar segundu komandante rejiaun III no husi 1998-1999 sai kolaboradór rejiaun IV.
Iha tinan-2007 Komandante Jaime Ribeiro “Samba Sembilan” kondekora ho ordem Timor-Leste. Iha tinan-2018, Prezidente Repúblika kondekora Jaime Ribeiro “Samba Sembilan’ ho Kolár Ordem Timor-Leste.
Jardim dos Herois da Pátria, Metinaro, 6 jullu 2019
Iha serimónia funebre saudozu Jaime Ribeiro “Samba Sembilan” ohin iha Jardim dos Herois da Pátira, Prezidente Repúblika, Francisco Guterres Lú Olo, iha ninian intervensaun hateten katak espíritu no disíplina mak halo komandante diferente.
Saudozu Jaime Ribeiro “Samba Sembilan” nu’udar guerrilleiru ida ne’ebé dedika nia an tomak durante tinan-24 iha ai-laran hasoru okupasaun Indonézia.
Maski la hetan edukasaun formál ruma durante tempu kolonizasaun, Jaime Ribeiro “Samba Sembilan” hatudu nia kapasidade nu’udar komandante ne’ebé hatene orienta nia soldadu sira tuir disíplina no tátika militár iha luta hasoru forsa okupante. Jaime Ribeiro “Samba Sembilan” nu’udar komandante ida ne’ebé aten brani, ho abnegasaun tomak no sempre prontu atu hasoru saida de’it iha luta libertasaun nasionál.
Jaime Ribeiro “Samba Sembilan” la’ós de’it hatene kona-ba militár maibé mós nu’udar kuadru polítiku ida ne’ebé hatene kauza luta libertasaun nasionál ninian. Jaime Ribeiro “Samba Sembilan” kuida tebes nia lider polítiku sira. Iha situasaun difísil, komandante ne’e prontu atu fó an ba mate hodi defende Xanana Gusmão, Taur Matan Ruak, Francisco Guterres Lú Olo no lider rezisténsia seluk iha luta armada.
Tinan kotuk bainhira Prezidénsia Repúblika halo entrevista ho Jaime Ribeiro “Samba Sembilan” nia hato’o nia lia menon: “Labele ódiu, labele vingansa tanba polítika la ódiku, nein vingansa. Ita-Boot sira ne’ebé kaer ukun tenke hamutuk. Labele dehan ida ne’e terus liu hodi harahun fali ida seluk. Se ita fó kotuk ba malu, se mak rezolve ita-nia problema.”
Bainhira sei moris, Jaime Ribeiro “Samba Sembilan” eduka nia oan sira atu labele ezije estadu atu fó, maibé tenke kontribui ba estadu.
Maski nune’e, Prezidente Repúblika husu atu estadu bele tau matan ba oan sira atu kontinua la’o ba oin nafatin.
Jaime Ribeiro “Samba Sembilan” moris iha Liquiça, 15 abril 1959.Jaime Ribeiro tama forsas libertasaun nasionál desde FALINTIL harii iha 20 agustu 1975. Hafoin Indonézia invade kontinua sai soldadu iha Sektór Fronteira Norte to’o zona libertadas rahun. Hafoin Konferénsia Reorganizasaun Nasionál iha 1981, Jaime Ribeiro asume kargu nu’udar komandante sesaun to’o 1985. Husi 1986-1991 nu’udar komandante peletaun. Husi 1992-1998 asume kargu nu’udar segundu komandante rejiaun III no husi 1998-1999 sai kolaboradór rejiaun IV.
Iha tinan-2007 Komandante Jaime Ribeiro “Samba Sembilan” kondekora ho ordem Timor-Leste. Iha tinan-2018, Prezidente Repúblika kondekora Jaime Ribeiro “Samba Sembilan’ ho Kolár Ordem Timor-Leste.
Comments
Post a Comment