DR. JOSE RAMOS HORTA LANSA EXEBISAUN PRIZAUN NO PRIZIONEIRU POLÍTIKU 1974 – 1999.
Dili - Komisaun Organizadora ba Komemorasaun tinan 20 Aniversáriu Referendu (Konsulta Populár 1999) hamutuk ho Centro Nacional Chega! I.P organiza ona Exebisaun ba Prizaun no Prizioneiru Polítiku 1974 – 1999. Ezebisaun ne’e lansa husi Sua Exelénsia Eis-Prezidente Repúblika Dr. Jose Manuel Ramos Horta iha loron 17 Jullu 2019, iha Antigo Comarca Balide – Dili.
Exbisaun ba Prizaun no Prizioneiru Polítiku ne’e hanesan parte husi programa ba komemorasaun tinan 20 Aniversáriu Referendu (Konsulta Populár) ne’ebé ho objetivu Introdúz memória pasadu nian ba públiku liu-liu jerasaun foun sira Timor-Leste nian, prezerva memória pasadu nian nu’udar eransa ba harii no hametin espiritu solidaridade umana. Alende ne’e, atu fó onra no rekuñesimentu ba ema sira ne’ebé mak partisipa no mós sakrifika sira nia moris ba Luta Libertasaun Timor-Leste nian no hatudu experiénsia rekonsiliativu ne’ebé mak Timor-Leste no Indonézia harii hafoin konflitu durante tinan 24 nia laran nu’udar lisaun ba harii paz iha mundu.
Exebisaun prizaun sira hahú ho sekuénsia hamutuk painel sia (9) ne’ebé painel ualu ko’alia kona-ba kontestu jerál prizaun sira, fatin prizaun sira iha Indonézia, fatin prizaun no detensaun sira iha Timor laran tomak, feto no labarik sira iha prizaun, graffiti sira iha prizaun laran no ko’alia mós kona-ba sekuénsia sira inklui dokumentu sira ne’ebé liga ho prizioneiru polítika sira nian, husi periodu tomak tinan 1974 – 1999.
Komponente sira husi Exebisaun ne’e mak kompostu husi:
• Kontestu jerál kona-ba sofrementu Timoroan sira durante periodu okupasaun Indonézia iha prizaun laran,
• Fatin prizaun sira iha Indonézia ne’ebé sira uza hodi dadur Timoroan sira durante okupasaun Indonézia nian iha Timor-Leste inklui prosesu tomak hanesan prosesu investigasaun, tratamentu ba dadur sira durante iha prizaun laran,
• Fatin prizaun sira iha Timor laran ne’ebé Indonézia sira uza hodi dadur Timor oan sira iha munisipiu 12, inklui RAEOA,
• Labarik sira iha prizaun; Labarik sira ne’ebé kaptura no dadur, autoridade Indonézia sira uza nu’udar fontes informasaun hodi deskobre serbisu FALINTIL no serbisu sira rede Klandestina nian,
• Feto iha prizaun: feto sira dala barak sai alvu ba dadur arbitrária, tortura no persegisaun no mós violasaun sexuál.
Lansamentu exebisaun ne’e partisipa husi Membru Parlamentu sira, Membru Governu, Prokuradór Jerál, Autoridade Instituisaun Estadu nian sira hanesan CAC, PDHJ, Komisaun Funsaun Públika, Korpu Diplomátiku sira, Sosiedade Sivíl, Eis-Prizioneiru Polítiku, Ativista, Juventude, Asosiasaun Vítima, Sobrevivente no Estudante.
Dili - Komisaun Organizadora ba Komemorasaun tinan 20 Aniversáriu Referendu (Konsulta Populár 1999) hamutuk ho Centro Nacional Chega! I.P organiza ona Exebisaun ba Prizaun no Prizioneiru Polítiku 1974 – 1999. Ezebisaun ne’e lansa husi Sua Exelénsia Eis-Prezidente Repúblika Dr. Jose Manuel Ramos Horta iha loron 17 Jullu 2019, iha Antigo Comarca Balide – Dili.
Exbisaun ba Prizaun no Prizioneiru Polítiku ne’e hanesan parte husi programa ba komemorasaun tinan 20 Aniversáriu Referendu (Konsulta Populár) ne’ebé ho objetivu Introdúz memória pasadu nian ba públiku liu-liu jerasaun foun sira Timor-Leste nian, prezerva memória pasadu nian nu’udar eransa ba harii no hametin espiritu solidaridade umana. Alende ne’e, atu fó onra no rekuñesimentu ba ema sira ne’ebé mak partisipa no mós sakrifika sira nia moris ba Luta Libertasaun Timor-Leste nian no hatudu experiénsia rekonsiliativu ne’ebé mak Timor-Leste no Indonézia harii hafoin konflitu durante tinan 24 nia laran nu’udar lisaun ba harii paz iha mundu.
Exebisaun prizaun sira hahú ho sekuénsia hamutuk painel sia (9) ne’ebé painel ualu ko’alia kona-ba kontestu jerál prizaun sira, fatin prizaun sira iha Indonézia, fatin prizaun no detensaun sira iha Timor laran tomak, feto no labarik sira iha prizaun, graffiti sira iha prizaun laran no ko’alia mós kona-ba sekuénsia sira inklui dokumentu sira ne’ebé liga ho prizioneiru polítika sira nian, husi periodu tomak tinan 1974 – 1999.
Komponente sira husi Exebisaun ne’e mak kompostu husi:
• Kontestu jerál kona-ba sofrementu Timoroan sira durante periodu okupasaun Indonézia iha prizaun laran,
• Fatin prizaun sira iha Indonézia ne’ebé sira uza hodi dadur Timoroan sira durante okupasaun Indonézia nian iha Timor-Leste inklui prosesu tomak hanesan prosesu investigasaun, tratamentu ba dadur sira durante iha prizaun laran,
• Fatin prizaun sira iha Timor laran ne’ebé Indonézia sira uza hodi dadur Timor oan sira iha munisipiu 12, inklui RAEOA,
• Labarik sira iha prizaun; Labarik sira ne’ebé kaptura no dadur, autoridade Indonézia sira uza nu’udar fontes informasaun hodi deskobre serbisu FALINTIL no serbisu sira rede Klandestina nian,
• Feto iha prizaun: feto sira dala barak sai alvu ba dadur arbitrária, tortura no persegisaun no mós violasaun sexuál.
Lansamentu exebisaun ne’e partisipa husi Membru Parlamentu sira, Membru Governu, Prokuradór Jerál, Autoridade Instituisaun Estadu nian sira hanesan CAC, PDHJ, Komisaun Funsaun Públika, Korpu Diplomátiku sira, Sosiedade Sivíl, Eis-Prizioneiru Polítiku, Ativista, Juventude, Asosiasaun Vítima, Sobrevivente no Estudante.
Comments
Post a Comment