KONFERÉNSIA IMPRENSA OJP CNRT
"Deklarasaun Hasoru Deputado Jose Agustinho Somotxo no Francisco Branco Partidu Fretilin Ne'ebé Halo Akuzasaun no Justisa Popular Hasoru Sekretáriu-Jeral CNRT Francisco Kalbudi Lay"
Depois de akompanya deklarasaun nebe halo hosi Deputado Jose Agustinho Sumotxo no Francisco Branco hosi Bancada Fretilin, iha loron-tersa, 25 fulan-Junu 2019 kona ba nomeasaun Kompanyeiru Francisco Kalbuadi Lay ba Presidente Autoridade ba Expo Dubai ba periodu 2020 to’o 2021, maka ami Juventude CNRT hatoo ami nia deklarasaun hanesan tuir nee:
1. Ami Juventude CNRT lamenta no rejeita hahalok Senor nain rua nebe halo deklarasaun bazeia deit ba iha rumores ka isu nebe mosu. Ida nee hatudu attitude imprudensia politika imi nain rua nian tanba halo atake pessoal hasoru Kompanyeiru Francisco Kalbuadi Lay sem kualker evidensia.
2. Ami Juventude CNRT rejeita hahalok imi nain rua nebe kebra prinsipiu Prezunsaun Inosensia nebe sai hanesan mos baze ba Estadu Direitu Demokratiku, tanba halo julgamentu popular ba Kompanyeiru Francisco Kalbuadi Lay sem kualker desizaun hosi kualker Tribunal iha Timor-Leste.
3. Tuir ami nian hare katak hahalok nee hanesan vingansa no perseguisaun politika nebe imi halo desde uluk kedas hodi destroy integridade pessoal Kompanyeiru Francisco Kalbuadi Lay. Ida nee kontra ona direitus humanos nebe sai baze principal ba estadu Direitu Demokratiku nebe regulariza iha Konstituisaun RDTL.
4. Kona ba Dignidade Estadu, ami hakarak hatoo ba publiku katak Kompanyeiru Francisco Kalbuadi Lay oras nee sai mos hanesan Vice Presidente ASEAN Football Federation (AFF) ka Federasaun Footbal ASEAN. Prosesu hili Kompanyeiru Francisico Kalbuadi Lay nee rigoroso tanba organizasaun Internasional ida nee iha reputasaun boot iha area futebol. Ho nomeasaun Kompanyeiru Francisco Kalbuadi Lay nee hasae dignidade Nasaun no Estadu RDTL, tanba Timor oan ida hetan konfiansa hosi Organizasaun internasional hodi lidera lesuk Organizasaun nee.
5. Kompanyeiru Francisco Kalbuadi Lay nebe oras nee hanesan mos Deputadu Parlamentu Nasional hatudu ezemplu ida nebe diak tebes ba ita hotu, tanba nia la subar iha imunidade nia laran. Nia rasik deside hodi ba hatan iha Ministerio Publiku sem PN hasai nia imunidade, tanba nia no ami hotu fiar katak nia la sala tanba nia nunka involve iha kualker tipu de krime. Ezemplu ida nee mak ita hotu iha Timor-Leste tenki banati tuir.
6. Imi nain rua hatudu deit liman ba Kompanyeiru Francisco Kalbuadi Lay maibe haluha tiha katak imi nain rua nia kamarada balun, hetan akuzaun hosi Ministerio Publiku maibe sai Embaixador no pior liu tan balun simu posse hanesan Membro do Governo iha Setimu (VII) Governu. Imi nain rua nia maluk balun fali Tribunal de Kontas iha nia relatoriu auditoria hatudu momos halo lakon dezenas de milhoes de Dolares Americanos maibe oras nee kontinua dezempenha hela funsaun iha instituisaun Estadu nian. Ida nee imi nain rua la kestiona katak sira nee bele hatun dignidade Estadu nian. Maibe imi nain rua hatudu fali liman ba ema nebe oras nee la iha akuzaaun ruma hosi Ministerio Publico no mos la submete ba julgamentu iha Tribunal. Atitude ida nee hatudu deit imi nia vingansa, ignoransia no paranoia politika.
7. Ami hakarak agradese ba Oitavu (VIII) Governu Konstitusional nebe nomeia (por meríto) Kompanyeiru Francisco Kalbuadi Lay nudar Presidente Autoridade ba Expo Dubai tanba nia kapasidade no esperiencia lidera Expo Milan iha tinan 2015, ho diak no susesu tebes. Nunee maka ami iha CNRT no AMP apoia tomak nomeasaun ida nee tanba ami fiar katak Komapanyeiru Francisco Kalbuadi Lay sei Lidera Autoridade Expo Dubai nee ho susesu.
8. Ami mos hakarak hatoo katak, Governu nebe lidera hosi Sua Exelénsia Taur Matan Ruak kaer metin ba prinsipiu Prezunsaun Inosensia hodi la monu ba manobra politika ho tentativa atu halo perseguisaun politika ba adversariu politika hanesan imi nain rua ho imi nain rua nia Camarada sira halo dadaun nee. Pior liu tan imi nain rua nee subar iha imunidade nia laran hodi halo akuzaun alheia ka arbiru sem kualker provas hodi estraga deit ema nia integridade pessoal.
Ikus-liu, Ami Joventude Partidu CNRT reitera ka fo nafatin konfiansa ba Kompanyeiru Francisco Kalbuadi Lay nudar Secretario Jeral Partido CNRT nomos Kordenador Jeral Concelho Diretiva AMP.
"Deklarasaun Hasoru Deputado Jose Agustinho Somotxo no Francisco Branco Partidu Fretilin Ne'ebé Halo Akuzasaun no Justisa Popular Hasoru Sekretáriu-Jeral CNRT Francisco Kalbudi Lay"
Depois de akompanya deklarasaun nebe halo hosi Deputado Jose Agustinho Sumotxo no Francisco Branco hosi Bancada Fretilin, iha loron-tersa, 25 fulan-Junu 2019 kona ba nomeasaun Kompanyeiru Francisco Kalbuadi Lay ba Presidente Autoridade ba Expo Dubai ba periodu 2020 to’o 2021, maka ami Juventude CNRT hatoo ami nia deklarasaun hanesan tuir nee:
1. Ami Juventude CNRT lamenta no rejeita hahalok Senor nain rua nebe halo deklarasaun bazeia deit ba iha rumores ka isu nebe mosu. Ida nee hatudu attitude imprudensia politika imi nain rua nian tanba halo atake pessoal hasoru Kompanyeiru Francisco Kalbuadi Lay sem kualker evidensia.
2. Ami Juventude CNRT rejeita hahalok imi nain rua nebe kebra prinsipiu Prezunsaun Inosensia nebe sai hanesan mos baze ba Estadu Direitu Demokratiku, tanba halo julgamentu popular ba Kompanyeiru Francisco Kalbuadi Lay sem kualker desizaun hosi kualker Tribunal iha Timor-Leste.
3. Tuir ami nian hare katak hahalok nee hanesan vingansa no perseguisaun politika nebe imi halo desde uluk kedas hodi destroy integridade pessoal Kompanyeiru Francisco Kalbuadi Lay. Ida nee kontra ona direitus humanos nebe sai baze principal ba estadu Direitu Demokratiku nebe regulariza iha Konstituisaun RDTL.
4. Kona ba Dignidade Estadu, ami hakarak hatoo ba publiku katak Kompanyeiru Francisco Kalbuadi Lay oras nee sai mos hanesan Vice Presidente ASEAN Football Federation (AFF) ka Federasaun Footbal ASEAN. Prosesu hili Kompanyeiru Francisico Kalbuadi Lay nee rigoroso tanba organizasaun Internasional ida nee iha reputasaun boot iha area futebol. Ho nomeasaun Kompanyeiru Francisco Kalbuadi Lay nee hasae dignidade Nasaun no Estadu RDTL, tanba Timor oan ida hetan konfiansa hosi Organizasaun internasional hodi lidera lesuk Organizasaun nee.
5. Kompanyeiru Francisco Kalbuadi Lay nebe oras nee hanesan mos Deputadu Parlamentu Nasional hatudu ezemplu ida nebe diak tebes ba ita hotu, tanba nia la subar iha imunidade nia laran. Nia rasik deside hodi ba hatan iha Ministerio Publiku sem PN hasai nia imunidade, tanba nia no ami hotu fiar katak nia la sala tanba nia nunka involve iha kualker tipu de krime. Ezemplu ida nee mak ita hotu iha Timor-Leste tenki banati tuir.
6. Imi nain rua hatudu deit liman ba Kompanyeiru Francisco Kalbuadi Lay maibe haluha tiha katak imi nain rua nia kamarada balun, hetan akuzaun hosi Ministerio Publiku maibe sai Embaixador no pior liu tan balun simu posse hanesan Membro do Governo iha Setimu (VII) Governu. Imi nain rua nia maluk balun fali Tribunal de Kontas iha nia relatoriu auditoria hatudu momos halo lakon dezenas de milhoes de Dolares Americanos maibe oras nee kontinua dezempenha hela funsaun iha instituisaun Estadu nian. Ida nee imi nain rua la kestiona katak sira nee bele hatun dignidade Estadu nian. Maibe imi nain rua hatudu fali liman ba ema nebe oras nee la iha akuzaaun ruma hosi Ministerio Publico no mos la submete ba julgamentu iha Tribunal. Atitude ida nee hatudu deit imi nia vingansa, ignoransia no paranoia politika.
7. Ami hakarak agradese ba Oitavu (VIII) Governu Konstitusional nebe nomeia (por meríto) Kompanyeiru Francisco Kalbuadi Lay nudar Presidente Autoridade ba Expo Dubai tanba nia kapasidade no esperiencia lidera Expo Milan iha tinan 2015, ho diak no susesu tebes. Nunee maka ami iha CNRT no AMP apoia tomak nomeasaun ida nee tanba ami fiar katak Komapanyeiru Francisco Kalbuadi Lay sei Lidera Autoridade Expo Dubai nee ho susesu.
8. Ami mos hakarak hatoo katak, Governu nebe lidera hosi Sua Exelénsia Taur Matan Ruak kaer metin ba prinsipiu Prezunsaun Inosensia hodi la monu ba manobra politika ho tentativa atu halo perseguisaun politika ba adversariu politika hanesan imi nain rua ho imi nain rua nia Camarada sira halo dadaun nee. Pior liu tan imi nain rua nee subar iha imunidade nia laran hodi halo akuzaun alheia ka arbiru sem kualker provas hodi estraga deit ema nia integridade pessoal.
Ikus-liu, Ami Joventude Partidu CNRT reitera ka fo nafatin konfiansa ba Kompanyeiru Francisco Kalbuadi Lay nudar Secretario Jeral Partido CNRT nomos Kordenador Jeral Concelho Diretiva AMP.
Comments
Post a Comment